‘ಭಾರತ ಸರಕಾರದ ಕಾನೂನಿನಂತೆ ಎಲ್ಲರೂ ಸಿಸಿಎಲ್‌ ಪಡೆಯಲು ಅರ್ಹರಾಗಿದ್ದಾರೆ. ಅದರಂತೆ ಸ್ಟಾರ್ಕ್‌ನ ಎಲ್ಲ ಉದ್ಯೋಗಿಗಳಿಗೂ ಸಿಸಿಎಲ್‌ ರಜೆ ನೀಡುವಂತೆ ನಿರ್ದೇಶನ ನೀಡಬೇಕು. ಆ ಕುರಿತು ತಿದ್ದುಪಡಿ ಕಾಯಿದೆ ಸೆಕ್ಷನ್‌ 5(5) ರಲ್ಲಿ ಉಲ್ಲೇಖಿಸಲಾಗಿದ್ದು, ಅದರಂತೆ ತಾವು ಸಿಸಿಎಲ್‌ಗೆ ಅರ್ಹರೆಂದು ಹಕ್ಕು ಮಂಡಿಸಿದ್ದಾರೆ. ಆದರೆ ವರ್ಕ್ ಫ್ರಂ ಹೋಮ್‌ ಸೌಲಭ್ಯ ಇದ್ದರೆ ಮಾತ್ರ ಮೆಟರ್ನಿಟಿ ಕಾಯಿದೆ ಅನ್ವಯ ದುಡಿಯುವ ಮಹಿಳೆಯರು ಮಕ್ಕಳ ಆರೈಕೆ ರಜೆಯನ್ನು ಪಡೆಯಲು ಅರ್ಹರಾಗಿದ್ದಾರೆ’ ಎಂದು ಹೈಕೋರ್ಟ್‌ ಅಭಿಪ್ರಾಯಪಟ್ಟಿದೆ.
ಬೆಂಗಳೂರು: ವರ್ಕ್ ಫ್ರಂ ಹೋಮ್‌ ಸೌಲಭ್ಯ ಇದ್ದರೆ ಮಾತ್ರ ಮೆಟರ್ನಿಟಿ ಕಾಯಿದೆ ಅನ್ವಯ ದುಡಿಯುವ ಮಹಿಳೆಯರು ಮಕ್ಕಳ ಆರೈಕೆ ರಜೆಯನ್ನು ಪಡೆಯಲು ಅರ್ಹರಾಗಿದ್ದಾರೆ ಎಂದು ಹೈಕೋರ್ಟ್‌ ಆದೇಶಿಸಿದೆ.
ಬೆಂಗಳೂರಿನ ಸೆಮಿಕಂಡಕ್ಟರ್‌ ತಂತ್ರಜ್ಞಾನ ಮತ್ತು ಅನ್ವಯಿಕ ಸಂಶೋಧನಾ ಕೇಂದ್ರ (ಸ್ಟಾರ್ಕ್) ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದ ಹಿರಿಯ ಎಕ್ಸಿಕ್ಯೂಟಿವ್‌ ಎಂಜಿನಿಯರ್‌ ಪ್ರಾಚಿ ಸೆನ್‌ ಸಲ್ಲಿಸಿದ್ದ ಅರ್ಜಿಯನ್ನು ಆಲಿಸಿದ ನ್ಯಾ. ಆರ್‌. ದೇವದಾಸ್‌ ಅವರಿದ್ದ ಏಕಸದಸ್ಯ ಪೀಠ ಈ ಆದೇಶ ನೀಡಿದೆ. ಅರ್ಜಿದಾರರು ತಮಗೆ ಮೆಟರ್ನಿಟಿ ಬೆನಿಫಿಟ್‌ ತಿದ್ದುಪಡಿ ಕಾಯಿದೆ 2017ರ ಸೆಕ್ಷನ್‌ 5(5)ರ ಅನ್ವಯ ಮಕ್ಕಳ ಆರೈಕೆ ರಜೆ (ಸಿಸಿಎಲ್‌) ನೀಡಲು ಕಂಪನಿಗೆ ಎರಡು ಮನವಿಗಳನ್ನು ಸಲ್ಲಿಸಿದ್ದರು. ಅವುಗಳನ್ನು ಕಂಪನಿ ನಿರಾಕರಿಸಿತ್ತು. ಹಾಗಾಗಿ ಕಂಪನಿಗೆ ನಿರ್ದೇಶನ ನೀಡಬೇಕೆಂದು ಅವರು ನ್ಯಾಯಾಲಯದ ಮೊರೆ ಹೋಗಿದ್ದರು. ಆದರೆ ನ್ಯಾಯಾಲಯ ಮಹಿಳೆಯ ಪರ ಆದೇಶ ನೀಡಲು ನಿರಾಕರಿಸಿರುವುದಲ್ಲದೆ, ಅರ್ಜಿಯನ್ನು ವಜಾಗೊಳಿಸಿತ್ತು.
‘ಭಾರತ ಸರಕಾರದ ಕಾನೂನಿನಂತೆ ಎಲ್ಲರೂ ಸಿಸಿಎಲ್‌ ಪಡೆಯಲು ಅರ್ಹರಾಗಿದ್ದಾರೆ. ಅದರಂತೆ ಸ್ಟಾರ್ಕ್‌ನ ಎಲ್ಲ ಉದ್ಯೋಗಿಗಳಿಗೂ ಸಿಸಿಎಲ್‌ ರಜೆ ನೀಡುವಂತೆ ನಿರ್ದೇಶನ ನೀಡಬೇಕು. ಆ ಕುರಿತು ತಿದ್ದುಪಡಿ ಕಾಯಿದೆ ಸೆಕ್ಷನ್‌ 5(5) ರಲ್ಲಿ ಉಲ್ಲೇಖಿಸಲಾಗಿದ್ದು, ಅದರಂತೆ ತಾವು ಸಿಸಿಎಲ್‌ಗೆ ಅರ್ಹರೆಂದು ಹಕ್ಕು ಮಂಡಿಸಿದ್ದಾರೆ. ಆದರೆ ವರ್ಕ್ ಫ್ರಂ ಹೋಮ್‌ ಇದ್ದರೆ ಮಾತ್ರ ಸಿಸಿಎಲ್‌ ಪಡೆಯಬಹುದಾಗಿದೆ’ ಎಂದು ನ್ಯಾಯಪೀಠ ಹೇಳಿದೆ. ಜತೆಗೆ ಸ್ಟಾರ್ಕ್ ಕಂಪನಿ 2021ರ ಸೆಪ್ಟೆಂಬರ್‌ನಲ್ಲಿಯೇ ತಮ್ಮ ಉತ್ಪಾದನೆ ಮತ್ತು ವಿತರಣೆ ಕಾಲಮಿತಿಯ ಮೇಲೆ ಪರಿಣಾಮ ಬೀರಲಿರುವ ಹಿನ್ನೆಲೆಯಲ್ಲಿ ಸಿಸಿಎಲ್‌ ಜಾರಿಗೊಳಿಸದಿರಲು ನಿರ್ಧರಿಸಿದೆ. ಲಾಕ್‌ಡೌನ್‌ ವೇಳೆಯೂ ಕಂಪನಿಯ ಉಪ ಮ್ಯಾನೇಜರ್‌ ಮತ್ತಿತರ ಸಿಬ್ಬಂದಿ ಕಚೇರಿಯಿಂದಲೇ ಕಾರ್ಯನಿರ್ವಹಿಸಿದ್ದಾರೆ ಎಂಬ ಅಂಶವನ್ನು ನ್ಯಾಯಪೀಠ ತನ್ನ ಆದೇಶದಲ್ಲಿ ಉಲ್ಲೇಖಿಸಿದೆ.
ಆದರೆ ಅರ್ಜಿದಾರರು ಬೇಕಿದ್ದರೆ ತಾವು ದೀರ್ಘಾವಧಿ ಗೈರು ಹಾಜರಾಗಿರುವುದನ್ನು ಬದಿಗೊತ್ತಿ ಆ ಸೇವಾ ಅವಧಿಯನ್ನು ಸಕ್ರಮಗೊಳಿಸಲು ಹೊಸದಾಗಿ ಮನವಿಯನ್ನು ಸಲ್ಲಿಸಬಹುದು. ಅದನ್ನು ಕಂಪನಿ ಪರಿಗಣಿಸಬಹುದು ಎಂದು ಆದೇಶಿಸಿದೆ.