(ದೇಶ)ರಷ್ಯಾದ ಆಕ್ರಮಣದ ಮಧ್ಯೆ ಉಕ್ರೇನ್‌ನಲ್ಲಿರುವ ಮದ್ಯ ತಯಾರಕ ಸಂಸ್ಥೆಯೊಂದು ಬೀರ್‌ನಿಂದ ಮೊಲೊಟೊವ್ ಕಾಕ್‌ಟೇಲ್‌ ತಯಾರಿಸಲು ಮುಂದಾಗಿದೆ. ಇದಕ್ಕಾಗಿ ಅದು ದೇಣಿಗೆ ನೀಡುವಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಮನವಿ ಮಾಡಿದೆ. ರಷ್ಯನ್ನರ ವಿರುದ್ಧ ಹೋರಾಡಲು ಬೀರ್‌ನಿಂದ ಅಗ್ಗವಾಗಿ ಮೊಲೊಟೊವ್ ಕಾಕ್ಟೇಲ್‌ನ್ನು ಉತ್ಪಾದಿಸಬಹುದು. ಮೊಲೊಟೊವ್ ಕಾಕ್ಟೈಲ್ ಸರಳವಾದ ಸುಧಾರಿತ ಅಗ್ನಿಶಾಮಕ ಸಾಧನವಾಗಿದೆ. ಮೊಲೊಟೊವ್ ಕಾಕ್ಟೈಲ್ ಅನ್ನು ಪೆಟ್ರೋಲ್ ಬಾಂಬು, ಆಲ್ಕೊಹಾಲ್ ಬಾಂಬ್, ಬಾಟಲ್ ಬಾಂಬ್, ಬಡವನ ಗ್ರೆನೇಡ್ ಅಥವಾ ಸರಳವಾಗಿ ಮೊಲೊಟೊವ್ ಎಂದು ಕೂಡ ಕರೆಯಲಾಗುತ್ತದೆ.
ರಷ್ಯಾದ ಆಕ್ರಮಣದ ಮಧ್ಯೆ ನಾಗರಿಕರನ್ನು ಸಜ್ಜುಗೊಳಿಸುವ ಪ್ರಯತ್ನದಲ್ಲಿ ಉಕ್ರೇನ್‌ನ ಪ್ರಸಿದ್ಧ ಮದ್ಯ ತಯಾರಕ ಸಂಸ್ಥೆಯೊಂದು ಬಿಯರ್‌ನಿಂದ ಮೊಲೊಟೊವ್ ಕಾಕ್‌ಟೇಲ್‌ಗಳನ್ನು ನಿರ್ಮಿಸಲು ಮುಂದಾಗಿದೆ. ಮೊಲೊಟೊವ್ ಕಾಕ್‌ಟೇಲ್‌ ಬೆಂಕಿ ಹತ್ತಿಕೊಳ್ಳಬಲ್ಲ ಕಚ್ಚಾ ಸಾಧನವಾಗಿದ್ದು, ಸಾಮಾನ್ಯವಾಗಿ ಸುಡುವ ದ್ರವದಿಂದ ತುಂಬಿದ ದಹನಶಾಲಿ ಬಾಟಲಿಯಾಗಿದೆ. ಇದು ಒಡೆಯಬಹುದಾದ ಗಾಜಿನ ಬಾಟಲಿಯಾಗಿದ್ದು, ಪೆಟ್ರೋಲ್, ಆಲ್ಕೋಹಾಲ್ ಅಥವಾ ನೇಪಾಮ್ ತರಹದ ಮಿಶ್ರಣದಂತಹ ಸುಡುವ ವಸ್ತುವನ್ನು ಒಳಗೊಂಡಿರುತ್ತದೆ.
ಸುಲಭವಾಗಿ ಉತ್ಪಾದನೆ ಮಾಡಬಹುದಾದರಿಂದ ಮೊಲೊಟೊವ್ ಕಾಕ್ಟೈಲ್‌ಗಳನ್ನು ಪ್ರಪಂಚದಾದ್ಯಂತ ಅಪರಾಧಿಗಳು, ಗಲಭೆಕೋರರು ಮತ್ತು ಸಾಮಾನ್ಯ ಸೈನಿಕರು ಕೂಡ ಬಳಸುತ್ತಾರೆ. ಈಗ ಉಕ್ರೇನ್‌ನ ಪ್ರವಾದ ಬ್ರೆವರಿ (Pravda Brewery) ಸಂಸ್ಥೆಯು ಸಾಮಾಜಿಕ ಜಾಲತಾಣದಲ್ಲಿ,ರಷ್ಯಾದ ಆಕ್ರಮಣದ ವಿರುದ್ಧ ಹೋರಾಡಲು ಉಕ್ರೇನ್‌ ಜನರಿಗೆ ಮೊಲೊಟೊವ್ ಕಾಕ್ಟೈಲ್‌ಗಳನ್ನು ತಯಾರಿಸಿ ನೀಡುವುದಾಗಿ ಹೇಳಿಕೊಂಡಿದ್ದು, ಇದಕ್ಕಾಗಿ ಧನಸಹಾಯ ನೀಡುವಂತೆ ಕೇಳಿದೆ.
ಉಕ್ರೇನ್‌ ದೇಶದ ಪಶ್ಚಿಮ ಭಾಗದಲ್ಲಿರುವ ಈ ಮದ್ಯ ತಯಾರಕ ಸಂಸ್ಥೆ ತನ್ನ ಮೊಲೊಟೊವ್ ಕಾಕ್‌ಟೇಲ್‌ಗಳ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದೆ ಮತ್ತು ಉಕ್ರೇನಿಯನ್ನರು ರಷ್ಯನ್ನರ ವಿರುದ್ಧ ಹೋರಾಡಲು ಸಹಾಯ ಮಾಡುವ ಸಲುವಾಗಿ ಈ ಕಚ್ಚಾ ವಸ್ತುಗಳನ್ನು ಬಳಸುತ್ತಾರೆ ಎಂದು ಬರೆದಿದ್ದಾರೆ. ಕೇವಲ ಒಂದು ಸಿದ್ಧಾಂತವಲ್ಲ. ನಮ್ಮಲ್ಲಿ ಅನೇಕರು 2014 ರ ರಕ್ತಸಿಕ್ತ ಬೀದಿ ಪ್ರತಿಭಟನೆಗಳ ಮೂಲಕ ಸಾಗಿ ಹೋದರು. ಇದು ಮಾಜಿ ಅಧ್ಯಕ್ಷರನ್ನು ಪದಚ್ಯುತಗೊಳಿಸಿತು. ಅವರು ಈಗ ರಷ್ಯಾದಲ್ಲಿ ಅಡಗಿಕೊಂಡಿದ್ದಾರೆ. ಆದರೆ ಅಭ್ಯಾಸವು ಸಹಾಯ ಮಾಡುತ್ತದೆ ಎಂದು ಪ್ರವಾದ ಮದ್ಯ ತಯಾರಕ ಸಂಸ್ಥೆ ಇನ್ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದೆ.
ಕಾಕ್‌ಟೇಲ್‌ಗಳ ವಿನ್ಯಾಸವನ್ನು ಹೇಗೆ ಸುಧಾರಿಸುವುದು ಎಂಬುದರ ಕುರಿತು ನಿಮ್ಮಲ್ಲಿ ಹಲವರು ಕಾಮೆಂಟ್ ಮಾಡಿದ್ದಾರೆ. ಧನ್ಯವಾದಗಳು. ನೆನಪಿಡಿ ನಾವು ಸಣ್ಣ ಪ್ರಮಾಣದಲ್ಲಿದ್ದೇವೆ. ಆದರೆ ವೃತ್ತಿಪರ ಬ್ರೆವರಿ ಮತ್ತು ಸಾಕಷ್ಟು ಸಂಶೋಧನೆ ಮಾಡುತ್ತೇವೆ. ಪ್ರತಿ ಚಿಕ್ಕಾಸನ್ನು ಶತ್ರುಗಳ ವಿರುದ್ಧ ಅಥವಾ ಬಳಲುತ್ತಿರುವವರ ಸಹಾಯಕ್ಕಾಗಿ ಬಳಸಲಾಗುತ್ತದೆ ಎಂದು ಈ ಪ್ರವಾದ ಹೇಳಿಕೊಂಡಿದೆ.
ಪ್ರತಿಯೊಂದು ಚಿಕ್ಕಾಸನ್ನು ಶತ್ರುಗಳಿಗೆ ಅಂತ್ಯ ತರಲು ಅಥವಾ ಬಳಲುತ್ತಿರುವವರಿಗೆ ಸಹಾಯ ಮಾಡಲು ಬಳಸಲಾಗುತ್ತದೆ. ಇವು ನಮ್ಮ ಖಾಸಗಿ ಜವಾಬ್ದಾರಿಯಾಗಿದ್ದು, ಉತ್ತಮ ಬಳಕೆಗೆ ನಾವು ವೈಯಕ್ತಿಕವಾಗಿ ಜವಾಬ್ದಾರರಾಗಿದ್ದೇವೆ ಎಂದು ಅದು ಹೇಳಿದೆ. ಯುರೋನ್ಯೂಸ್‌ನ ವರದಿಯ ಪ್ರಕಾರ, ರಷ್ಯಾದ ಆಕ್ರಮಣದಿಂದಾಗಿ ಈ ಮದ್ಯ ತಯಾರಕ ಘಟಕ ತನ್ನ ಉತ್ಪಾದನೆಯನ್ನು ನಿಲ್ಲಿಸಬೇಕಾಯಿತು. ಸದ್ಯಕ್ಕೆ, ಅವರು ವಿಭಿನ್ನವಾದ ಮಿಶ್ರಣವನ್ನು ತಯಾರಿಸುವ ಕೆಲಸವನ್ನು ಮುಂದುವರೆಸಿದ್ದಾರೆ. ಅಷ್ಟೇ ಅಲ್ಲ. ಸಹಾಯದ ಅಗತ್ಯವಿರುವ ಜನರಿಗೆ ಆಶ್ರಯ ನೀಡಲು ಉಕ್ರೇನ್‌ನ ಸುತ್ತಲೂ ಸೈಟ್‌ಗಳನ್ನು ತೆರೆಯುವ ಮೂಲಕ ಈ ಪ್ರವಾದ ಸಂಸ್ಥೆ ಸಂಕಷ್ಟ ಕಾಲದಲ್ಲಿ ದೇಶದೊಂದಿಗೆ ನಿಂತಿದೆ.