ಪ್ರಧಾನಿ ನರೇಂದ್ರ ಮೋದಿ ಅವರು ಕೇವಲ 2 ಗಂಟೆ ನಿದ್ರೆ ಮಾಡಿ ಉಳಿದ 22 ಗಂಟೆ ದೇಶಕ್ಕಾಗಿ ಕೆಲಸ ಮಾಡ್ತಾರೆ ಎಂದು ಮಹಾರಾಷ್ಟ್ರ ಬಿಜೆಪಿ ಅಧ್ಯಕ್ಷ ಚಂದ್ರಕಾಂತ್‌ ಪಾಟೀಲ್‌ ಹೇಳಿದ್ದಾರೆ. ಅದಲ್ಲದೇ ಒಂದು ಕ್ಷಣವೂ ಹಾಳಾಗಬಾರದೆಂದು 24 ಗಂಟೆಯೂ ಕೆಲಸ ಮಾಡಲು ಮೋದಿ ಪ್ರಯತ್ನಿಸುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಮುಂಬೈ:ಪ್ರಧಾನಿ ನರೇಂದ್ರ ಮೋದಿ ದಿನಕ್ಕೆ ಕೇವಲ 2 ಗಂಟೆ ಮಾತ್ರ ನಿದ್ರೆ ಮಾಡುತ್ತಿದ್ದು, 24 ಗಂಟೆಯೂ ನಿದ್ರೆಯಿಲ್ಲದೇ ದೇಶಕ್ಕಾಗಿ ಕೆಲಸ ಮಾಡುವ ಪ್ರಯೋಗವನ್ನು ಆವರು ಮಾಡುತ್ತಿದ್ದಾರೆ ಎಂದು ಮಹಾರಾಷ್ಟ್ರ ಬಿಜೆಪಿ ಅಧ್ಯಕ್ಷ ಚಂದ್ರಕಾಂತ್‌ ಪಾಟೀಲ್‌ ಹೇಳಿದ್ದಾರೆ.
ಇತ್ತೀಚೆಗೆ ಕೊಲ್ಲಾಪುರದಲ್ಲಿ ಮಾತನಾಡುವಾಗ ಬಿಜೆಪಿಕ ಕಾರ್ಯಕರ್ತರಿಗೆ ಚಂದ್ರಕಾಂತ್‌ ಪಾಟೀಲ್‌ ಈ ರೀತಿ ಹೇಳಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ದಿನಕ್ಕೆ ಕೇವಲ 2 ಗಂಟೆ ನಿದ್ರೆ ಮಾಡುತ್ತಿದ್ದು, ದೇಶಕ್ಕಾಗಿ 22 ಗಂಟೆ ಕೆಲಸ ಮಾಡುತ್ತಿದ್ದಾರೆ. ಅದಲ್ಲದೇ ಅವರು ನಿದ್ರೆಯೇ ಮಾಡದೇ ಪ್ರತಿ ನಿಮಿಷವೂ ದೇಶ ಸೇವೆ ಮಾಡುವ ಬಗ್ಗೆ ಪ್ರಯತ್ನ ಮಾಡುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಅವರು ಒಂದು ಕ್ಷಣವನ್ನೂ ಸಹ ಹಾಳು ಮಾಡಲು ಇಷ್ಟಪಡುವುದಿಲ್ಲ. ಅದಕ್ಕಾಗಿ ಅವರು ಸಂಪೂರ್ಣ ನಿದ್ರೆಯನ್ನು ತ್ಯಜಿಸಿ 24 ಗಂಟೆಯೂ ದೇಶಕ್ಕಾಗಿ ಕೆಲಸ ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎಂದು ಚಂದ್ರಕಾಂತ್‌ ಪಾಟೀಲ್‌ ಹೇಳಿದ್ದಾರೆ. ಅದಲ್ಲದೇ ಪ್ರಧಾನಿ ನರೇಂದ್ರ ಮೋದಿ ದೇಶವನ್ನು ಸಮರ್ಥವಾಗಿ ಮುನ್ನಡೆಸುತ್ತಿದ್ದಾರೆ ಎಂದು ಅವರು ಹೇಳಿದ್ದು, ದೇಶದ ಯಾವುದೇ ಭಾಗದಲ್ಲಿ ಉಂಟಾಗುವ ಘಟನೆಗಳ ಬಗ್ಗೆ ಸ್ಪಷ್ಟ ಮಾಹಿತಿ ಹೊಂದಿರುತ್ತಾರೆ ಎಂದಿದ್ದಾರೆ.
20 ಗಂಟೆ ಕೆಲಸ ಮಾಡುತ್ತೇನೆ ಎಂದಿದ್ದ ಮೋದಿ!
ಪ್ರಧಾನಿ ನರೇಂದ್ರ ಮೋದಿ 2011ರಲ್ಲಿ ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ನಾನು ದಿನಕ್ಕೆ 20 ಗಂಟೆ ಕೆಲಸ ಮಾಡುತ್ತೇನೆ ಎಂದಿದ್ದರು. ನಾನು ನಿದ್ರೆ ಮಾಡುವುದು ಕಡಿಮೆ. ವೈದ್ಯರು ನಿದ್ರೆ ಹೆಚ್ಚಿಸುವಂತೆ ನಿರಂತರವಾಗಿ ಸಲಹೆ ನೀಡುತ್ತಿದ್ದಾರೆ. ನಾನು ದಿನಕ್ಕೆ 5 ರಿಂ 6 ಗಂಟೆ ಕೆಲಸ ಮಾಡಬೇಕು ಎಂಬುದು ವೈದ್ಯರ ಸಲಹೆ ಎಂದಿದ್ದರು.
ಆದರೆ, ನಾನು ಕೆಲಸ ಮಾಡುವುದಕ್ಕೆ ಹೆಚ್ಚು ತೊಡಗಿಸಿಕೊಳ್ಳುತ್ತೇನೆ, ನನಗೆ ಕಡಿಮೆ ನಿದ್ರೆ ಮಾಡುವುದು ಬಹಳ ವರ್ಷದಿಂದ ಅಭ್ಯಾಸವಾಗಿದೆ. ಕಳೆದ ಹಲವು ವರ್ಷಗಳಿಂದ ಗರಿಷ್ಠ ಮೂರುವರೆ ಗಂಟೆ ನಿದ್ದೆ ಮಾಡುತ್ತೇನೆ. ಆದರೆ, ಅದು ನನಗೆ ಸಾಕು. ಕೇವಲ 30 ಸೆಕೆಂಡ್‌ನಲ್ಲಿ ನಾನು ನಿದ್ರೆಗೆ ಜಾರುತ್ತೇನೆ ಎಂದು ಪ್ರಧಾನಿ ಹೇಳಿದ್ದರು.
ಲಫಂಗರು ಮಿತಿ ಮೀರಿ ಹೊಗಳಿ ಸರ್ವನಾಶ ಮಾಡಿ ಬಿಡ್ತಾರೆ: ಸದನದಲ್ಲಿ ರಮೇಶ್‌ ಕುಮಾರ್‌ ಹೇಳಿದ ಸಚ್ಚಿದಾನಂದರ ಉದಾಹರಣೆ
ಪ್ರಧಾನಿ ಮೋದಿ ಅವರು ನಿದ್ರೆ ಕಡಿಮೆ ಇದ್ದರೂ ಆರೋಗ್ಯದಿಂದ ಇರಲು ಯೋಗ ಮತ್ತು ಪ್ರಾಣಾಯಾಮ ಸಹಾಯಕವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. ಅದಲ್ಲದೇ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್‌ ಒಬಾಮಾ ಕೂಡ ಪ್ರಧಾನಿ ಮೋದಿ ಅವರನ್ನು ನೀವು ದಿನಕ್ಕೆ ಕೇವಲ 3.30 ಗಂಟೆ ಮಾತ್ರ ನಿದ್ದೆ ಮಾಡುತ್ತೀರಾ ಎಂದು ಕೇಳಿದ್ದರು ಎಂದು ನಟ ಅಕ್ಷಯ್‌ ಕುಮಾರ್‌ ನಡೆಸಿದ ಸಂದರ್ಶನದಲ್ಲಿ ಪ್ರಧಾನಿ ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.